සයිබර් ආරක්ෂාව තේරෙන සිංහලෙන්

  • Hacking

    Hacking is unauthorized intrusion into a computer or a network. The person engaged in hacking activities is generally referred to as a hacker. This hacker may alter system or security features to accomplish a goal that differs from the original purpose of the system.

  • Hacking Techniques

    Using simple hacks, a hacker can know about your personal unauthorized information which you might not want to reveal. Knowing about these common hacking techniques like phishing, DDoS, clickjacking etc. could come handy for your personal safety.

  • Data Stolen

    A data breach is a security incident in which sensitive, protected or confidential data is copied, transmitted, viewed, stolen or used by an individual unauthorized to do so.

Tuesday 20 May 2014

Microsoft Virtual Academy (MVA)

තොරතුරු තාක්ෂණය ඉගෙන ගන්න හැමෝගෙම උනන්දුව කොහොම හරි ලෝකේ පිළිගත්ත සහතික කීපයක් තමන් සතු කරගන්න. නමුත් විවිධ කරුණු නිසා මේ සිහිනය සැබෑ කරගන්න හැමෝටම බැරි වෙනවා. ඒකට ප්‍රධානම හේතුව වෙන්නේ ජනප්‍රිය තොරතුරු තාක්ෂණ පාඨමාලා වල මිල අධික වීම. ඒ වගේම ඔන් ලයින් විභාගයක් ගොඩ දාගන්න එක ලේසි පහසු නොවීම. ඒකට එක් හේතුවක් වෙන්නේ භාෂාවේ ඇති දුර්වලතාවය. ඉතින් මයික්‍රොසොෆ්ට්, සිස්කෝ වගේ සමාගම් සිය තාක්ෂණික දැනුමට විවිධාකාරයේ මිල නියම කරද්දී ලෝකයේ නොමිලේම සිය දැනුම ලබාදෙන තැනුත් තියනවා. Microsoft Virtual Academy (MVA) කියන්නෙත් ඒ වගේ තැනක්. Microsoft Virtual Academy තමයි ලෝකයේ තිබෙන විශාලතම ඔන්ලයින් දැනුම ලබදෙන ස්ථානය. එහි විවිධ මාතෘකා යටතේ පවතින පාඨමාලාවන් සිය ගණනක් පවතිනවා. 
  1. business intelligence (BI)
  2. server infrastructure
  3. desktop management and device security
  4. licensing
  5. networking
  6. programming and cloud computing
  7. Microsoft Lync
  8. SharePoint
  9. System Center
  10. Office 365
  11. SQL Server
  12. Visual Studio
  13. Windows Azure
  14. Windows Phone 
  15. Windows Intune.
Microsoft Virtual Academy භාවිතයත් හරිම සරළයි. 


  • මුලින්ම මයික්‍රොසොෆ්ට් ගිණුමක් එහෙම නැතිනම් වින්ඩෝස් ලයිව් ගිණුමකින් මෙහි සාමාජිකත්වය ලබාගන්න ඕනෑ. 
  • ඊලගට එක් එක් පාඨමාලවන් වර්ග දැකගන්න පුළුවන්. තමන් කැමති පාඨමාලා වර්ගය තෝරගන්න ඕනෑ. 

  • ඉන් පසුව එම පාඨමාලා වර්ගය යටතේ පාඨමාලවන් විශාල ප්‍රමාණයක් දැකගන්න පුළුවන්. 

  • පාඨමාලාවේ නම සහ එම පාඨමාලාව සම්පූර්ණ් කළ පසු අපට ලැබෙන්නා වූ පොයිට් ගණනත් මෙහිදී දැකගන්න පුළුවන්. එම පොයින්ට් එකතු කිරීමෙන් තමන්ගේ රටේ සහ මුළු ලෝකයෙන්ම වශයෙන් ඔබව වර්ගීකරණයකුත් කරනවා 

  • එක් පාඨමාලාවකට වීඩියෝ ගොනුවක් පාඨමාලවට අදාළ PDF  ගොනුවක් පාඨමාලාවේ ප්‍රසන්ටේශන් එක දැකගන්න පුළුවන්
  • එමෙන්ම පාඨමාලාව අවසානයේ ඔන්ලයින් ආකාරයේ විභගයක් මෙන් ප්‍රශ්න කීපයක් අසන READY TO TAKE SELF-ASSESSMENT? කියන කොටසත් දැකගන්න පුළුවන් 

මුලින්ම වීඩියෝව නරබා (අවශ්‍ය නම් එම වීඩියෝව භාගත කරගන්නත් පුළුවන්) ඊට අදාළ PDF ගොනුව සහ ප්‍රසන්ටේශන් එක පරිශීලනය කර අදාළ ප්‍රශ්න වලට පිළිතුරු සැපයීමෙන් එක් පාඨමාලවක් අවසන් කරන්න පුළුවන්. 


මෙහි වීඩියෝ වල දායකත්වය ලබාදෙන්නේ අදාළ විෂය සම්බන්ධයෙන් විශාල අත්දැකීම් ප්‍රමාණයක් තිබෙන ලෝකයේ ඉන්න හොද විද්වතුන්, බුද්ධිමතුන් වගේම ඉහළ පෙළේ තාක්ෂණික නිලධාරීන්. එම වීඩියෝ ගොනු වල ගුණාත්මකභාවයත් ඉතාමත් ඉහළ මට්ටමක පවතිනවා. ඉතින් දැනුමේ නිරවද්‍යතාව පිළිබදව ගැටලුවක් පවතින්නේ නෑ. 

අදාළ පාඨමලාව සම්පූර්ණයෙන්ම අවසන් කළ පසුව Microsoft Virtual Academy (MVA) මගින් අදාළ පාඨමාලාව අවසන් කළ බවට සහතිකයක් ද පිරිනමනවා. 


ඔබ ලබාගන්නාවූ පොයින්ට් ගණන වැඩි වෙන්න වැඩි වෙන්න ඔබට හිමි ස්ථානය ඉහළ යනවා. එය My Dashboard කියන ස්ථානයෙන් බලාගන්න පුළුවන්. 



එමෙන්ම ඔබගේ ස්ථානය Top Student කියන ස්ථානයෙන් බලාගන්න පුළුවන්. 


ඉතින් නොමිලේ දෙන දේ නිසා ප්‍රශ්න කීපයක් ඇති නේද? 

1. MVA වල මිල කෙසේද?

Microsoft Virtual Academy (MVA) සේවාව සම්පූර්ණයෙන්ම නොමිලේ ලබාදෙන සේවාවක්. ඊට අවශ්‍ය වන්නේ වින්ඩෝස් ලයිව් ගිණුමකින් සාමාජිකත්වය ලබාගැනීම පමණයි. ඇත්තටම මෙය තොරතුරු තාක්ෂණික වෘත්තිකයන්ට අමතර සුදුසුකමක් පමණයි 

2. නොමිලේ දෙන නිසා මෙහි වටිනාකමක් නැතිද?

Microsoft Virtual Academy (MVA) වල ඇති පාඨමාලාවන් මයික්‍රොසොෆ්ට් තාක්ෂණික යෙදවුම් වල නවතම අවස්ථාවන් වල තොරතුරු අනුව සකසා තිබෙනවා. උදාහරණයක් ලෙසින්  "Microsoft Licensing Fundamentals," වගේම  "System Center 2012: Virtual Machine Manager." වගේ පාඨමාලාවන් දක්වන්න් පුළුවන්. ඉතින් අලුත් දැනුම ලබාදීමම විශාල වටිනාකමක් නොවේද?

3. MVA වල මේ වන විට කොපමණ පිරිසක් සාමාජිකයන් වෙල ඉන්නවද?

මේ වන් විට 768,500 වූ සිසුන් ප්‍රමාණයක් සහතික ලබා තිබෙනවා වගේම 2,000,000 ප්‍රමාණයක් ඉක්මවලා Microsoft Virtual Academy (MVA) වල ලියාපදිංචි වෙලා තියෙනවා

4. මේ ලබාගන්න සහතික වල වටිනකමක් තිබේද?

ඇත්තටම මේ සහතික වල වටිනකමක් තිබෙනව වගේම වෙනත් සහතික ලබා ගැනීමේදී මෙම පාඨමාලා උපකාරී වෙනවා. පොයිට් ලබා ගැනීමේදී   Bronze (0-99), Silver (100-499), Gold (500-2,999), සහ  Platinum (3,000+) ලෙසින් කාණ්ඩ වලට බෙදීමක් සිදුවෙනවා.

5. කොපමණ පාඨමාලා ප්‍රමාණයක් එක් අයෙකුට සම්පූර්ණ කරන්න පුළුවන්ද?

එහි කිසිදු සීමාවක් නැත. තමන්ට හැකි පරිදි පාඨමාලාවන් තෝරාගෙන හැකි අවස්ථාවලදී අවසන් කළ හැකියි

ඉතින් ඉගෙන ගන්න ආස අයට මෙ හරහා යමක් ඉගෙන ගන්න පුළුවන් වෙනවා වගේම ඔන්ලයින් විභාග කරන්න කලින් හොද අද්දැකීමකුත් මෙයින් ලබාගන්න පුළුවන් වේවි.


About the author
Eranda Dayawansa
Eranda Dayawansa is a Microsoft Certified ICT Instructor and Blogger from 2008 who loves all Things of Information Technology. He is also the chief editor at his blog – HelpITLanka which shares new exciting and informative discoveries found from surfing the net.
Share:

Sunday 18 May 2014

Windows 8 Recovery Environment

පරිගණකයේ මෙහෙයුම් පද්ධතිය යම් යම් හේතු නිසා අක්‍රීය තත්වයන් වලට මුහුණ දුන් විට වින්ඩෝස් 8 මෙහෙයුම් පද්ධතියේ එන  Recovery නම් වූ යෙදවුම හරහා පරිගණක මෙහෙයුම් පද්ධතිය යථා තත්ත්වයට පත් කර ගැනීමේ හැකියාව පවතිනවා. පෙර ඉදිරිපත් වූ මෙහෙයුම් පද්ධති වලද මේ ආකාරයෙන් Recovery පහසුකම් පැවතියද වින්ඩෝස් 8 වලදී එම පහසුකම දියුණු කර තිබෙන බව දක්නට ලැබෙනවා. 

වින්ඩෝස් 8 පරිගණකයකදී පරිගණකය ක්‍රියාත්මක වීම ආරම්භ වන හෝ පරිගණකය රීස්ටාට් වෙන අවස්ථාවේ දී යතුරු පුවරුවේ Shift යතුර දිගටම ඔබාගෙන ඉදීමෙන් හෝ පරිගණකයේ PC Settings හරහා ගොස් General option යටතේ ඇති "Restart now under Advanced Setup" හරහා පරිගණකය රීස්ටාට් කරගැනීමෙන්  Recovery වෙත පිවිසිය හැකියි. 

එසේම ඩොස් වලදී shutdown /r /o යන විධානය ලබාදීමෙන් පසුව පරිගණකය රිස්ටාට් වන්නේ Recovery ආකාරයෙනි. 

එහිදී පහල රූපයේ ආකාරයෙ තෝරාගැනීම් 3ක් දක්නට ලැබේ. එතනදී අපට වැදගත් වන්නේ Troubleshoot යන කොටසයි.



එතනදී අපට හැකියාව ලැබෙනවා පහත රූපයේ ආකාරයෙන් Refresh your PC, Reset your PC, හෝ Access Advanced options යන ඒවාට පිවිසීමට හැකිවෙනවා. 

  1. Refresh your PC මෙහෙදී මෙහෙයුම් පද්ධතිය නැවත ස්ථාපිත වීමක් සිදුවෙනවා. නමුත් විශේෂත්වය වන්නේ දෘඩ තැටිය පෝමැට් වීමක් සිදු නොවීමයි. එනම් පරිශීලකයාගේ කිසිදු ගොනුවකට හෝ කළින් ක්‍රියාත්මක වූ කිසිදු මෘදුකාංගයකට බලපෑමක් සිදු නොවී මෙහෙයුම් පද්ධතියට අදාළ ගොනු පමණක් ස්ථාපිත වීම සිදුවෙනවා. 
  2. Reset your PC මෙහිදී පරිගණකය සම්පූර්ණයෙන්ම අලුත් ආකාරයෙන් එසේ නැත්නම් දෘඩ තැටිය පෝමැට් වී මෙහෙයුම් පද්ධතිය ස්ථාපිත වෙනවා. 
  3. Access Advanced options 



Advanced options මෙනුව යටතේ පහත රූපයේ ආකාරයේ විවිධ වු Recovery ආකාරයන් දැකගන්න පුළුවන්.


මෙහිදි පහත ආකාරයෙන් Recovery අවස්ථාවන් ලබාදෙනවා
  1. System Restore  පරිගණකය පැරණි දිනයකට පසු පසට ගෙනගොස් ක්‍රියාත්මක කරවනවා 
  2. System Image Recovery මෙහෙයුම් පද්ධතියට අදාළ ඉමේජයක් හරහා පරිගණකය නැවත ක්‍රියාත්මක කරවනවා 
  3. Automatic Repair මෙහෙදී වින්ඩෝස් මෙහෙයුම් පද්ධතිය විසින්ම ස්වයං ක්‍රියාකාරීත්වයක් හරහා තම පද්ධතියේ ඇති දෝෂ සමනය කරගෙන නැවත පරිගණකය ක්‍රියාත්මක කරවනවා 
  4. Command Prompt ඩොස් මෙහෙයුම් පද්ධතියට අදාළ කමාන්ඩ් ප්‍රොම්ට් එක විවෘත කරනවා 
  5. Startup Settings පරිගණකය බූට් වන සැකසුම් සියල්ල යළිත් යථා තත්ත්වයට පත් කර නැවත පරිගණකය ක්‍රියාත්මක කරවනවා 
Startup Setting  වලදී පහත රුපයේ දැක්වෙන ආකාරයේ වෙනස්කම් පරිගණකයේ සිදු කරනවා. 



මෙම මෙනුවේ දැක්වෙන ක්‍රියාකාරකම් වලට පරිගණකය බූට් වෙන අවස්ථා වලදී F1-F9 අතර කී එකක් එබීමෙන්ද පිවිසිය හැකි. 



මේ ආකාරයෙන් පරිගණකයක මෙහෙයුම් පද්ධතිය ආශ්‍රිතව පවතින දෝෂ සමනය කරගන්න මේ කියන Recovery Environment කොටස බෙහෙවින් උපකාර වෙනවා.


About the author
Eranda Dayawansa
Eranda Dayawansa is a Microsoft Certified ICT Instructor and Blogger from 2008 who loves all Things of Information Technology. He is also the chief editor at his blog – HelpITLanka which shares new exciting and informative discoveries found from surfing the net.
Share:

Saturday 17 May 2014

Windows To Go - Step By Step Guide

මයික්‍රොසොෆ්ට් මෙහෙයුම් පද්ධති වල නව යෙදවුම් ඉදිරිපත් වීමේ ප්‍රවණතාවය වැඩි වෙමින් පවතින බව අපි හැමදෙනාම දන්නා කරුණක්.  මෙහෙයුම් පද්ධතිය මගින් ලබාදෙන සේවාවන් වඩා නම්‍යශීලීව  ලබාදීමේ අරමුණින් අතිරේක යෙදවුම් ඉදිරිපත් කළත් බොහොමයක් යෙදවුම් වල ප්‍රායෝගික භාවිතය නම් අඩු බවකුයි දැකගන්න ලැබෙන්නේ. ඒ නමුත් ප්‍රායෝගිකව ඉතාමත් වාසිදායක ලෙසින් බාවිතා කළ හැකි යෙදවුමක් ලෙසින් වින්ඩෝස් 8 සමග ඉදිරිපත් කළ  Windows To Go යෙදවුම දක්වන්න පුළුවන්.

Windows To Go කියන්නේ මොකද්ද? අපි හැමදෙනාම දන්නවා මෙහෙයුම් පද්ධතියක් වෙනවා නම් එය පරිගණකයක් ඇසුරින් දෘඩ තැටියක ස්ථීපිත කරන්න ඕනෑ කියන එක. නමුත් තාක්ෂණික දියුණුවත් එක්කම දෘඩ තැටිය මත ස්ථාපිත නොකර ඩීවීඩී එකක් මත හෝ පෙන් ඩ්‍රයිව් එකක් මත සිට ක්‍රියාත්මක් කළ හැකි ආකාරයේ මෙහෙයුම් පද්ධති නිර්මාණය වුණා. මේ ආකාරයෙන් නිර්මාණය වුණ මෙහෙයුම් පද්ධති එක්කෝ ඩීවීඩී එකක ඇතුළත් වුණා. නමුත් මේ කියන්න යන Windows To Go තාක්ෂණය හරහා අපි බාවිතා කරමින් තිබෙන පරිගණකයක වුවද ඉමේජයක් පෙන් ඩ්‍රයිව් එකක තැම්පත් කර ගනිමින් වෙනත් පරිගණකයකදී පහසුවෙන්ම භාවිතා කිරීමේ හැකියාව පවතිනවා. Windows To Go තාක්ෂණය පරීක්ෂණ මට්ටමින් බාවිතා කිරීමේ හැකියාව කලින් ලබාදී තිබුණත් අද වන විට මෙහෙයුම් පද්ධතියකම කොටසක් ලෙසින් වින්ඩෝස් 8 සහ වින්ඩෝස් 8.1 වලදී දැකගන්න පුලුවන්.


Windows To Go තාක්ෂණයේදී එක් එක් පරිගණක සදහා මෘදුකාංග ස්ථාපිත කර ගැනීම ඉබේම සිදුවෙනවා. ඒ නිසා එක් එක් මවුපුවරු වලදී පැනනගින ඩ්‍රයිවර්ස් දෝෂ මෙහිදී ඇති වෙන්නෙ නෑ. උදාහරණයක් ලෙසින් ඔබගේ නිවසේ පරිගණකයේ ඉමේජයක් Windows To Go හරහා ලබාගෙන කාර්යාලයේ භාවිතා කිරීමේදී ගැටලුවක් පැන නොනගින අතර එයම නැවතත් නිවසේදී භාවිතා කරන්න පුලුවන්.

අපි බලමු කොහොමද Windows To Go පහසුකම ක්‍රියාත්මක කරවා ගන්නේ කියලා. මුලින්ම වින්ඩෝස් 8 පරිගණකයකදී “windows to go" ලෙසින් සෙවුමක් කරන්න. එහිදී Settings යටතේ අපට Windows To Go ක්‍රියාත්මක කරවීම ආරම්භ කරගන්න පුලුවන්.



ඉන් පසුව ඔබ භාවිත කිරීමට සූදානම් වන පෙන් ඩ්‍රයිව් එක පරිගණකයට සම්බන්ධ කරන්න. විශේෂයෙන් මතක තියාගන්න ඕනැ දෙ තමයි එහි ධාරිතාවය. එය 32GB වගේ වෙනව නම් වඩා හොදයි. එහෙම නැතිනම් USB වලින් සම්බන්ධ කළ් හැකි හාර්ඩ් ඩිස්කයක් වුණත් සුදුසුයි.



ඊළගට අපිට සිදුවෙනවා වින්ඩෝස් 8 ඉමේජයක් ලබාදෙන්න. එය පරිගණකයේ තැම්පත් කර ඇති ස්ථානය තෝරා දෙන්න.



එතනදී වින්ඩෝස් 8 වලදී අදුන්වා දුන් තවත් යෙදවුමක් ක්‍රියාත්මක කරන්න් වෙනවා. ඒ තමයි Bitlocker යෙදවුම. එහිදී අපට හැකියාව ලැබෙනවා අපි මේ නිර්මාණය කරගන්නට යන Windows To Go ඩ්‍රයිව් එක සදහා මුරපදයක් ලබාදෙන්න.



ඉන් පසුව අප සම්බන්ධ් කළ USB ඩ්‍රයිව් එක Windows To Go වෙනුවෙන් ක්‍රියාත්මක වෙනවා. එහිදී එය බූටබල් ආකාරයෙන් සැකසෙනවා වගේම අපි කලින් ලබාදුන් ඉමේජය එයට පිටපත් වීමකුත් සිදුවෙනවා. මේ සදහා විනාඩි 15 වැනි කාලයක් ගත වෙනවා වගේම එය ඔබේ පරිගණකයේ කාර්යක්ෂමතාව මත තීරණය වෙනවා.



පෙන් එක බූටබල් ආකාරයෙන් නිර්මාණය වී අවසන් වූ පසුව එසැනින් බූට් කරන්න ද කියා විමසනවා. එයට No, ලෙසින් ලබාදී Save and Close ක්ලික් කරන්න.



අනතුරුව Windows To Go වෙනුවෙන් අදාළ පෙන් ඩ්‍රයිව් එක භාවිතා කිරීමේ හැකියාව පවතිනවා. පසුව මෙම පෙන් ඩ්‍රයිව් එක වෙනත් ඕනෑම පරිගණකයකදී බාවිතා කිරීමෙන් ඔබේ පළමු පරිගණකය මෙන් අදාළ පරිගණකය භාවිතා කිරීමේ හැකියාව ලැබෙනෙවා. එතනදී අදාළ පරිගණකයේ USB වලින් බූට් කිරීමේ හැකියාව පමණක් තිබීම ප්‍රමාණවත්.



image - http://social.technet.microsoft.com/


About the author
Eranda Dayawansa
Eranda Dayawansa is a Microsoft Certified ICT Instructor and Blogger from 2008 who loves all Things of Information Technology. He is also the chief editor at his blog – HelpITLanka which shares new exciting and informative discoveries found from surfing the net.
Share:

Sunday 4 May 2014

Microsoft Licensing Programe

ඕනෑම් මෘදුකාංගයක් හෝ නිර්මාණයක් භාවිතා කිරීම වෙනුවෙන් අදාළ නිර්මාතෘන් වෙතින් ඒ වෙනුවෙන් අනුමැතිය ලබාගත යුතු බව හැමෝම දන්නා දෙයක්. ඉතින් මෙහෙයුම් පද්ධතියකටත් මේ දේ ඒ ආකාරයෙන්ම ක්‍රියාත්මක වෙනවා. සරළවම කියනවා නම් ඔයාලා බාවිතා කරන ඕඑස් එකට අදාළව අපි ලයිසන් ලබාගත යුතුයි. නමුත් බොහොමයක් දෙනා මේ ලයිසන් ලබාගැනීම නොකරනවා වගේම බුද්ධිමය දේපල අනිසි ලෙස පරිහරණය කරනවා දැකගන්න් පුලුවන්. ඉතින් මේ සම්බන්ධයෙන් ඔබව දැනුවත් කළ යුතුයි කියලා හිතුන නිසා ගොඩ කාලෙකින් බ්ලොග් එක පැත්තේ ඇවිත් ලියන්න හිතුනා.

අපි දන්නවා මේ වෙන කොට මෘදුකාංග ලෝකය කොටස් දෙකකට බෙදිලා කියලා. එකක් අපි සල්ලි දීලා ගන්න ඕනෑ. අනික නිකම්ම හම්බෙනවා. මේ කොටස් දෙකෙන් සල්ලි දීලා ගන්නවා කියන්නේ මෙන්න මෙ කියන්න යන ලයිසන් කතාව තමයි.

ලයිසන් එකක් ඇයි අපි ගන්න ඕනෑ? යම් මෘදුකාංගයක් දියුණු කරන්න යම් පුද්ගලයෙකුගේ දැනුම කාලය ශ්‍රමය වියදම් වෙනවා. ඒ වෙනුවෙන් යම් මිලක් තිරණය කළොත් ඒ තමයි අදාළ ලයිසන් එකේ මිල වෙන්නේ. ඉතින් අතිශයින් සංකීර්ණ මෙහෙයුම් පහ්ධතියක් වැනි දෙයක් නිර්මාණය කරලා එය බාවිතා කිරීමට නම් ලයිසන් ලබාගත යුතුයි කියන පදනම එන්නේ ඔන්න ඔතනදී. මානුෂීය වශයෙනුත් එහි වරදක් නම් මමත් දකින්නේ නෑ. මොකද ගොඩක් මහන්සි වෙලා නිර්මාණය කරන දෙයකට සාධාරණ මිලක් නියම උනාට ගැටලුවක් නැ. ඉතින් අපි බලමු කොහොමද මයික්‍රොසොෆ්ට් සමාගමට අදාළව මෙහෙයුම් පද්ධති සදහා ලයිසන් ලබාගන්නේ කියලා.

ලයිසන් ප්‍රධාන වශයෙන් කොටස් කීපයකට බෙදෙනවා. ඒ තමයි

1. Operating systems මෙහෙයුම් පද්ධති
2. Client Applications පරිශීලක යෙදවුම්
3. Server Applications සර්වර් පද්ධති
4. Users or devices accessing the server software (CAL-Client Access License or EC - External Connector License) දෘඩාංග පරිශීලක ලයිසන් 

කියන ඒවා. ඉතින් මේ විදියට කොටස් වෙන ලයිසන් අපි බලමු කොහොමද මිලදී ගන්න පුලුවන් කියලා. ඒ මිලදී ගැනීමේ ආකාරත් කොටස් කීපයකට බෙදාගන්න පුලුවන්.
  1. Full Packaged Product (FPP) 
  2. OEM 
  3. Volume Licensing
  4. Online Services
ඉතින් මෙතනදි Full Packaged Product ලෙසින් මිලදී ගන්නා ලයිසන් බොහෝ විට නැවත විකිණීමක් සදහා මිලදී ගන්නා වූ ලයිසන් වෙනවා. OEM එහෙම නැතිනම් original equipment manufacturer ආකාරයේ ලයිසන් බොහෝ විට දැකගන්න ලැබෙන්නේ එක් එක් නිෂ්පාදනයක් වෙනුවෙන් එකක් ලෙසින් ලබාදීමකුයි. උදාහරණයක් විදියට HP ලැප්ටොප් පරිගණකයක් සමග Windows 8 OEM ලයිසන් එකක් ලබාදීම සදහන් කරන්න පුළුවන්. Volume Licensing  වලදී සිදුවන්නේ විශාල ප්‍රමාණයක මෘදුකාංග හෝ දෘඩාංගයක් එක් ලයිසන් එකකින් ආවරණය කිරීම. උදාහරණයක් ලෙසින් ඔබේ ආයතනයේ පරිගණක 100 කට Windows 8  ස්ථාපිත කරනවා නම් ඒ වෙනුවෙන් අපිට Volume Licensing  යටතේ එක් ලයිසන් එකක් ලබාගැනීමේ හැකියාව පවතිනවා. Online Services කියන්නේ මේ කියන ලයිසන් කතාවේ අලුත්ම කොටස. ඒ කියන්නේ ඉදිරියට එන ක්ලවුඩ් ඕස් වෙනුවෙන් ලබාදෙන ලයිසන් ආකාරයක්. ඉතින් මෙතනදී සාමාන්‍ය භාවිතයේදී අපිට  OEM සහ Volume Licensing කියන ආකාර දෙකින් ලයිසන් ලබාගන්න පුළුවන්.

මයික්‍රොසොෆ්ට් සමාගම සමග ලයිසන් වෙනුවෙන් යම් එකගතාවයකට එනවා නම් ඔවුන් පහතින් දක්වලා තියෙන දේවල් ගැන විශේෂ අවධානය යොමු කරනවා.

Organization Size සමාගමේ ප්‍රමාණය 
 Number of PCs and users භාවිතා කරන පරිගණක ගණන සහ පරිශීලකයන් ගණන
 Initial orders and price levels දැනට මිලදී ගන්නා ප්‍රමාණය  සහ මිල ගණන්

Agreement length ගිවිසුම් කාලය 
 2 years වසර 2
 3 years වසර 3
* ගිවිසුම් කාලය අදාළ ගිවිසුම් කාලය අවසන් වන විට නැවතත් යාවත්කාල කළ යුතුයි

Payment options ගෙවීම් කරන ආකාරය 
 Upfront
 Annually

Agreement structure ගිවිසුම් ආකාරය 
 All PCs
 Cloud Services
 Perpetual vs. non-perpetual licenses

ඉතින් මේ කොටස් අතරින් තම ආයතනයට වඩා වාසිදායක වන සැලසුම අනුගමනය කළ යුතුයි. ඉතින් විශාල මුදලක් දීලා ලයිසන් ගන්න එකේ තේරුමක් තියනවද කියලත් හිතෙන්න පුලුවන්. අපි ඒ ගැන පොඩ්ඩක් බලමු.

1. ලයිසන් එකක් ලබාදීම සහ ලබා ගැනීම කියන්නේ අදාළ දෙපාර්ශවය අතර යම් යම් කරුණු සම්බන්ධයෙන් එකගතාවයක් ඇති වීම. උදාහරණයක් ලෙසින් windows 8 වෙනුවෙන් ලයිසන් 100 ගන්නවා නම් අදාළ ලයිසන් 100 වෙනුවෙන් අත්සන් කළ කාලය තුළ සම්පුර්ණ වගකීම මයික්‍රොසොෆ්ට් සතුයි. ඒ කියන්නේ අදාළ ලයිසන් 100 වෙනුවෙන් windows 8 වල සිදුකරන සියලුම යාවත්කාලකිරීම් නොමිලේ ලබාදීම වෛරස් ආසාදන වැනි කරුණු වලදී ඒ වෙනුවෙන් ක්‍රියාත්මක (මේ සම්බන්ධයෙන් මට පෞද්ගලික අත්දැකීමක් තියනවා. එක් මෙහෙයුම් පද්ධතියක් වෙනුවෙන් වෛරස් ආසාදනයකදී යම් ප්‍රතිවෛරස් මෘදුකාංග සමාගමක් සමග එක්වී ඊට අදාළ වන ප්‍රතිවෛරස් මෘදුකාංගය යාවත් කාලකර එම පැච් ගොනුව මෙහෙයුම් පද්ධතියට අප්ඩේට් එකක් ලෙසින් එක් කිරීමේ හැකියාව ලැබුණා. ඒ කියන්නේ අපි එකතු කළ පැච් එක ඊළග අප්ඩේට් එකේදී ලෝකයේ සියලුම ලයිසන් සහිත පරිගණක වලට ස්ථාපිත වුණා. ඒ වගේ දෙයක් කරන්න පුළුවන් වුනේ ලයිසන් නිසයි)

2. e-learning ගැන හැමදෙනාම දන්නවනේ. මයික්‍රොසොෆ්ට් සමාගමේ තිබෙන එක් එක් පාඨමාලාවන් වෙනුවෙන් ලයිසන් ලබාගෙන තිබෙන ආයතන වෙත විශේෂ වරප්‍රසාද ලබාදීමක් සහ වවුචර් ලබාදීමක් සිදුකරනවා. උදාහරණයක් ලෙසින් MCTS වෙනුවෙන 20% විභාග ගාස්තු අඩුකිරීමක් සහිත වවුචර් ලබාදීමක් දැක්විය හැකියි

3 24x7 එහෙම නැතිනම් නිරන්තර සේවා සැපයීමේ ගිවිසුමක් ලයිසන් සමගම අත්සන් කරනවා. ඒ කියන්නේ මයික්‍රොසොෆ්ට් සම්බන්ධයෙන් මොනවා හරි අවුලක් උනොත් ඕනෑම වෙලාවක ඔන්ලයින් සහයක් ලබාගන්න පුලුවන්.

4. ලයිසන් වලින් විශාල මුදලක් අරන් මයික්‍රොසොෆ්ට් අපිව අතහැරලා දාන්නේ නෑ. අපි ලබාගත් ලයිසන් නිසි ආකාරයෙන් බාවිතා කරන හැටි ගැන් නිරන්තරයෙන් උපදෙස් ලබාදෙනවා. ලංකාවේ නම් මේ තත්ත්වය දැකගන්න අඩු උනත් වෙනත් රටවල් වල ලයිසන් ගත්ත ආයතනය එක්ක නිරන්තර ගනුදෙනුවක් අදාළ මයික්‍රොසොෆ්ට් නියෝජිතයා විසින් සිදුකරනවා.

5. අලුත් වන තාක්ෂණයන් ගැන ඔවුන් විස්තර ලබාදෙනවා. ලයිසන් එක තියෙන්නේ  windows XP වලට නම් windows 7 වල ඇති නව ගතිගුණ ගැන ඔවුන් විස්තර කරනවා. ඒ තුළින් windows 7 මිලදී ගැනීමට පෙළබවීමක් ඇති කරනවා වගේම අලුත් තාක්ෂණය ගැන අවබෝදෙකුත් ලබාදෙනවා. මේක නම් ටිකක් මාර්කටිං ප්ලෑන් එකක් වගේ...

ඉතින් මේ හැමදේම කරන්නේ හොද කාර්යක්ෂම සේවාවක් ලබාදීමට බවයි ඔවුන් පවසන්නේ.
 

About the author | Eranda Dayawansa
Eranda Dayawansa is a Microsoft Certified ICT Instructor and Blogger from 2008 who loves all Things of Information Technology. He is also the chief editor at his blog – HelpITLanka which shares new exciting and informative discoveries found from surfing the net.
Share:

Social Media

About Author



Eranda Dayawansa
Founder and Editor-in-Chief of 'Cyber Security'. Microsoft Certified ICT Instructor, Cyber Security Analyst, Information Security Researcher

About

Followers