16-Year-Old Teen Hacked Apple Servers, Stole 90GB of Secure Files

Apple යැයි කිවූ සැනින් අපට සිහියට එන්නේ මිළ අධික තාක්ෂණික උපාංගයි. ලෝකයේ බොහෝ දෙනෙක් මිළ අධික වුවත් මෙම Apple උපාංග සිය එදිනෙදා ජීවිතයේ කටයුතු වෙනුවෙන් භාවිතා කරන්නේ ඒවායේ ඇති විශිෂ්ඨ ක්‍රියාකාරීත්වය හේතුවෙනුයි. Apple උපාංග ඉතාමත් ආරක්ෂිත උපාංග ලෙසින් සැලකූ කාලයක් ගෙවුණ වසර කීපය තුළ පැවති අතර Apple ඉලක්ක කොට සයිබර් ප්‍රහාරයන් එල්ල වීම හා එහි දුර්වලතාවන් පවතින බවට ක්‍රමයෙන් හෙළිවීමෙන් අනතුරුව Apple කෙරෙහි තැබූ විශ්වාසය බිදෙන් බිද ගිලිහී යන බවක් පෙනී ගියා.
ගෙවුණ සතියේදී ඕස්ට්‍රේලියාවේ මෙල්බන් නුවර ආශ්‍රිතව ජීවත් වන වයස අවුරුදු 16ක පාසැල් ශිෂ්‍යයෙක් අධි ආරක්ෂිත Apple සර්වර් පරිගණක වලට රිංගා දත්ත විශාල ප්‍රමාණයක් සොරා ගනු ලබනවා.
එහිදී 90GB පමණ දත්ත ප්‍රමාණයක් සොරාගෙන තිබෙන අතර මෙම දත්ත අතර Apple කේත සටහන් පවා පවතින බවයි පැවසෙන්නේ.
මෙම සයිබර් ප්‍රහාරයෙන් අනතුරුව Apple සමාගම විසින් පරීක්ෂණ ආරම්භ කළ අතර අදාළ සැකකරුගේ පරිගණකය භාවිතා කළ IP ලිපිනයන් හරහා සිදු කළ විමර්ශන වලදී සැකකරු ඕස්ට්‍රේලියානු ජාතිකයෙක් බවට හදුනාගෙන තිබෙන අතර ඒ අනුව ඉදිරි පරීක්ෂණ Australian Federal Police (AFP)වෙත පැවරූ අතර ඒ අනුව අදාළ සැකකරු අත් අඩංගුවට ගනු ලැබුවා,
ලෝකයේ සිටින අධි තාක්ෂණික ප්‍රමුඛයා වන්නේ Apple සමාගමයි. එය හැක් කර දත්ත ලබාගත් මෙම පුද්ගලයා සම්බන්ධයෙන් කිනම් ක්‍රියාමාර්ගයක් ගනීද යන්න පිළිබදව සැක සහිත අතර මෙම හැකිං ප්‍රහාරය සාර්ථක වීමට Apple සමාගමේ සර්වර් පරිගණක වල පැවති දෝෂ මොනවාද යන්න පිළිබදව ඉදිරියේදී හෙළි කළ යුතු උවත් එසේ නොවනු ඇති බව බොහෝ දෙනා විශ්වාස කරනවා.



About the author
Eranda Dayawansa

Eranda Dayawansa is Founder and Editor-in-Chief of 'Help IT'. Microsoft Certified ICT Instructor, Cyber Security Analyst, Information Security Researcher and Part-Time Hacker and Blogger from 2008 who loves all Things of Information Technology.

Read More

SamSam Ransomware Attacks Extorted Nearly $6 Million

රෑන්සම්වෙයාර් මේ වන විට සයිබර් අපරාධකරුවන්ට මිලියන ගණනින් ආදායම් ගෙන දෙන සාර්ථක හැකිං ක්‍රමවේදයක් බවට පත්වෙලා. එයින් වඩාත් සාර්ථක රෑන්සම්වෙයාර් එක ලෙසින් SamSam වෛරසය හදුන්වන්න පුළුවන්.
මෙම වෛරසය පැතිරීම ආරම්භ වුණේ 2015 වසරේදී. නමුත් එහි කේත කොටස් වෙනස් කර රෑන්සම්වෙයාර් එකක් බවට පත් කළේ 2017 අන්තිම කාර්තුවේදීයි. මේ වන විටත් ආසන්න වශයෙන් පරිගණක මිලියන 6කට පමණ වෛරසයක් ලෙසින් ආසාදනය වී සක්‍රීයව පැවති අතර රෑන්සම්වෙයාර් එකක් බවට පත් කිරීමෙන් අනතුරුව පරිගණක ජාල හරහා පැතිරීම වේගයෙන් සිදුවුණා.
මේ වන විට මෙම SamSam රෑන්සම්වෙයාර් වෛරසය නිර්මාණය කළ පුද්ගලයා කෝ කණ්ඩායම් මසකට ඩොලර් 300000ක් පමණ ආදායමක් ලබන බව මෙම වෛරසයෙන් මුදල් ලබාදිය යුතු යැයි සදහන් කරන Bitcoin addresses එක නිරීක්ෂණය කරන Sophos ආයතනය පවසනවා.
මෙම වෛරසය හදුනාගෙන ඇති පරිදි විවිධ ස්ථාන 157ක් හරහා ක්‍රියාත්මක වන බවයි පැවසෙන්නේ. එයින් ස්ථාන 89ක් හදුනාගෙන වරින් වර එම පරිගණක ජාල අක්‍රීය කළ බව FBI සයිබර් අපරාධ අංශ පවසනවා.
මින් පෙරෙ සක්‍රීය වූ  WannaCry සහ  NotPetya ද තවමත් විවිධ ස්ථාන වල සක්‍රීයව පවතිනවා. නමුත් SamSam මෙන් විවිධ අවස්ථා වලදී කේත වෙනස් කිරීම් සිදු කරන්නෙ නෑ.



About the author
Eranda Dayawansa

Eranda Dayawansa is Founder and Editor-in-Chief of 'Help IT'. Microsoft Certified ICT Instructor, Cyber Security Analyst, Information Security Researcher and Part-Time Hacker and Blogger from 2008 who loves all Things of Information Technology.

Read More